بسمـ اللهـ الرحمنـ الرحيمـ
السلامـ عليكمـ
هذي قصة لشاب كويتي يبلغ من العمر 16 عاماً
يعيش مع امه و ابوه و اخته و اخوه
في بدايه حياته في المرحله الابتدائيه كان طالب متفوق و من الاوائل
و بعد مرور السنين دخل المرحله المتوسطه والكل عارف في هذي المرحله الكل يتغير
خالط الشباب و تعرف على الكثير و كون علاقات كثيره معاه في المدرسه
وكان مولع في شي اسمه كره القدم
ونزل مستواه الدراسي في هذي المرحله و حزن و دخل في عزله
و بدأ في الصعود من مرحله الى مرحله الى ان وصل الى الصف الثامن ( رابعه متوسط )
و تلقى في هذي المرحله خبر صدمه كثير وحاول يكذب الخبر لكن ما قدر
خصوصاً انه سنه صغير ما يسمح له يعرف هذا الخبر و كان الخبر عبارة عن زواج ابوه على امه
و اخبره الخبر احد اصدقائه و لكن المشكله انه لم يخبر احد في هذا الخبر و كتمه
و تراجع مستواه الدراسي اكثر فأكثر و لم يعرف احد السبب
و في الصف التاسع بدأ مرحله جديده في حياته
و دخل في سن المراهقة و كان يعرف عن الحب كثير ودش النت و عرف النت عدل
و سواله ايميل و دخل لأول مره الشات في نك (( فاقد_الحب)) و كان اول مره يدش
تعرف على اول بنت له في النت اسمها دانه و تعرف بها لين قالها اخذي ايميلي و خذت الايميل
عرف انه البنت كويتيه تعيش في السعوديه و تم يكلمها لمدة شهرين لين تعلقت فيه البنت
و اهو تعلق فيها بعد كان ينطر عطله الربيع اللي راح تيي فيها البنت الكويت و يوم يت العطله
اخترب جهاز سالم بعدها في عشر ايام بطل ايميله لقى ايميل من دانه تقوله انا في الكويت
اهو استانس و طار عقله . نطر الليل يصير علشان تشبك و اول ما اشبكت كلمها و قالها ابي اشوفج
قالتله انا باجر برجع السعوديه طبعاً زعل اهو بعدها انقطعت علاقتهم لأنه دانه ما تشبك
سالم تعرف على وايد بنات من النت
لكن في يوم من الايام كان مع ربعه في الجميعه و شاف بنت و البنت دشت راس سالم
شنو تتوقعون سالم سوه ؟؟؟
قدر يكلم البنت ؟؟؟؟
بعد ما شاف سالم البنت وحطها في باله حاول يلحقها لكن البنت مشت
بس سالم ما فقد الامل لأنه رفيجاتها كانوا موجودين في الجميعه
سالم حاول يتقرب من وحده منهم بس بطريقه ثانيه
انه يخلي احد من ربعه يكلم هذي البنت و ياخذ رقمها
سالم شاب اسمراني قصير اللي يشوفه يقول عنه صغير
سالم قدر يسوي اللي في باله و عرف عن البنت كل شي
عرف اسمها و عمرها
بس ما قدر يوصلها و طبعا رفيجه مستانس مع البنت اللي يابها سالم
بعد مرور شهرين على مقابلته ب ريم اللي شافها سالم في الجميعه
سالم رد حق النت و سوالف النت سالم كان يمتلك اسلوب جميل جداً
وكان يطير العقل بسرعه طبعاً سالم وصل عدد البنات عنده في النت فوق 15
و سالم بدى عطله الصيف و اهو فرحان و كان يعتبر بنات النت كلهم خواته بأستثناء وحده
و مع بداية العطلة سالم كان كثير الطلعات مع ربعه
ويوم و اهو قاعد ياله اتصال من امه قالتله راح تسافر اليوم الفلاني الى احد الدول الاسيويه
طبعا اهو فرح وايد . و يوم سافر استانس و رد بعدها الى الكويت و اهو متلهف وايد
وفي العطله صارتله وايد مشاكل مع من مشاكل الشباب
و بعد انتهاء العطله خالد رد حق الدراسه و طبعا ً كان كثير متملل و خصوصاً الصف العاشر
وكان النظام اليديد الموحد مأثر على نفسيته كثير
ومرت ايام الدراسه و في تهاوش بس ليش تهاوش
تهاوش علشان واحد غلط على امه من بكلمه قويه
وطبعا ًسالم كان يحب امه وايد و يوم غلط عليها الاصبي تهاوش معاه
و بعد ما تأكد مشرف الجناح من القصة عدل تم اعطاء سالم تعهد و استدعاء ولي امر
اما اللي تهاوش مع سالم تم اعطاءه فصل 3 ايام و تعهد
لكن الكل تفاجئ برجعه الطالب و السبب الواسطه
سالم ما همه شي عادي
و في فتره امتحانات نص السنه كان سالم قاعد بروحه في غرفته
و فجأة رن تيلفونه شاف الرقم غريب
اهو رد وكان الصوت صوت بنت
البنت : هاي سالم شلونك ؟
سالم : تمام هلا منو معاي
البنت : معقوله ما تعرف صوتي
سالم : لا ما عرفتج
البنت : انا مريم
سالم : هلا والله
البنت : شدعوه ما تسأل عني ولا شي
سالم : ليش اخب على رفيجي انا
البنت : سالم ممكن اضيفك مع رفيجتي ريم
سالم : طار عقله من الوناسه
البنت : اوكي الحين اضيفها
سالم : يلا ناطر ( الرجاء الانتظار بليز وي ) ( تم الاتصال مكالمه جماعيه )
ريم : هاي شلونك سالم
سالم : الحمد انتي شلونج ؟
ريم : الحمد لله
بس الغريب انه مريم كانت ساكته طول الوقت
بعد سوالف طويله لمد ساعه اللى ربع
ريم : سالم انا اللي اعرف شكلك مو ذاكرتك
سالم : اصلاً انتي كل ما تيين الجمعيه انا اأذيج
ريم : هم ما ذكرتك
سالم : تذكري عدل راح تعرفيني
ريم : شرايك سالم اشوفك باجر بعد الامتحان
طبعا كان باجر آخ يوم من المدرسه في امتحانات نص السنه
سالم : وافق على طول
سالم : مريم وينج ساكته
مريم : موجوده موجوده
ريم : خلاص سالم على الموعد باجر
سالم : اوكي
طبعا سالم كان محظوظ لأنه البنت كل الشباب يتمنونها
مريم : طبعا راح تيي مع يوسف ( يوسف رفيج سالم المقرب حيل منه )
سالم : اي اكيد
في اليوم التالي سالم داش الامتحان واهو مستانس حيل
و خلص الامتحان و راح البيت بدل بسرعه و دق على يدته تاخذه توديه عند ربعه
طبعاً سالم كان يسكن في غير المنطقه اللي فيها البنت
بس اهو كله هناك علشان ربعه
راح حق رفيجه و راحوا مع بعض حق البنات
سالم اول ما شاف البنت فرح
و ريم ابتسمت حق سالم ابتسامه حلوه اسحرته
و بدوا يسولفون مع بعض و بعدها قالها عرفتيني الحين
قالت اي عرفتك
و اتفقوا الاربعه انه بالليل يشوفون بعض في الجميعه
توقعوا شنو راح يصير بالليل ؟
سالم راح يقدر يكلم ريم ؟
بعد ما اتفقوا على بالليل
سالم طبعاً نطر بالليل يصير
دق على رفيجه يوسف
سالم : ها يوسف وينك
يوسف : والله ماكو رايح الملعب الحين
سالم : او نسيت انه في لعب يلا الحين
يوسف : بسرعه مو تتأخ
سالم : اوكي عشر دقايق و ياي
يوسف : يلا باي
سالم : باي
سالم راح يبدل و اهو يغني ( لقيت روحي ) اغينه نوال
خالت سالم تسمعه واهو يغني شنو لقيت اللي تحبك
سالم : انتو مالكم شغل فيني يا اخي خلوني على راحتي بس الكبار يحبون
خالت سالم : عشتوا كبرت
سالم : ليش انا ياهل جدامكم
خالت سالم : طير عن ويهي يا المراهق
سالم : اروح ابدل احسن
راح بدل و مشى
يوم وصل حق ربعه هلا والله هلا سلم عليهم بعدين بدو اللعب
طبعا وقتها كان الجو بارد اهم لاعبين الساعه 5 ونص
خلصوا لعب عقب ما فازوا
يوم خلصوا قاعدين يسولفون راحوا كلهم الجمعيه يشترون ماي و هالسوالف بعد اللعب
بقى سالم و يوسف طبعاً سالم قال حق يعقوب انت كلم ريم انت تدريني فيني خجول يوسف افا عليك
سالم طالع يوسف و حاس انه فيه شي
يوسف وقتها كان ما يحب مريم بس يبي يلعب
كان يبي بعد اهو ريم و سالم ما يدري انه يوسف يبيها
يوسف : ريم خالد يبيج
ريم : ............؟
يوسف : يعني خلاص ما تبينه صح
ريم : ..........؟
يوسف : عندج رقمي صح
ريم : اي عندي اياه مريم معطتني اياه
يوسف : خلاص دقي علي عيل
ريم : خلاص اوكي
سالم : ها شصار يوسف
يوسف : تقول ما تبي
سالم : ليش؟
يوسف : ما ادري
يوسف ما قال حق خالد انه عطاها رقمه
سالم شوي انصدم و عادي
بعدين راح سالم و يوسف اقعدوا مع ربعهم
سالم قعد طول الليل يفكر ليش ما تبيني
بعدين قال اوووه انا ليش افكر فيها اهي ما تبيني كيفها
ونام سالم و اهو يفكر
شنو تتوقعون يصير ؟
يوسف راح يقول حق سالم
صج ريم ما تبي سالم ؟
التكمله
بعد مانام سالم كان ينطر نتيجته
سالم ما قدر ينام قعد الساعة 8 ونص الصبح
قعد يهز تيلفونه يفكر فجأة ( وشفي صوتك مافي صوتي اي شي كنت ساكت نامت عيوني شوي )
سالم : الو
مريم : هااااي سالم شلونك؟
سالم : تمام اني شلونج؟
مريم : دوم يا رب
سالم : اجميعن
مريم : سالم وينك ؟
سالم : قاعد في البيت انطر امي تدق تبشرني في النتيجه
مريم : سالم تقدر تيي المكان المطعم الفلاني الحين ابيك في موضوع
سالم : خلاص ابدل و ايي
طبعاً المطعم كان قريب من بيت سالم
سالم يرن تيلفونه امه داقه عيله
سالم : ها يمه بشري
ام سالم : انت ليش جذي ليش مادرست
سالم : يمه ليش شنو صاير ؟
ام سالم : ساقط في العربي و الفيزياء
سالم : الخبر نزل عليه كالصاعقه يمه شلون انا دارس عدل و حال عدل
ام سالم : لا تخاف انت ناجح بس بقيس الظغط
سالم : خعتيني الله يهداج
ام سالم : مبروك يا ولدي
سالم : الله بيارك فيج
ام سالم : انزين يلا باي
سالم : باي حبيبتي
سالم استانس راح يغسل و بعدين بدل
سالم : الو ها يسوف بشر
يوسف : ساقط في ماده
سالم : اي شي
يوسف : والله
سالم : يلا غيرها بغيرها تعوض في الفصل الياي
و صكروا التيلفون
سالم طلع من البيت و راح حق مريم
سلموا و قعد
سالم : مريم قلتي تبيني في موضوع
مريم : تبي الصراحه
سالم : بتعجب اكيد ابي الصراحه
مريم : يوسف هدني
سالم : شنو !!!!!!!!!!!
مريم : اي هدني
سالم : ليش ؟
مريم : ................
سالم : مريم شفيج ليش هدج ؟
مريم : انا اكلم واحد ثاني غير يوسف و اهو درا
سالم : ليش يا مريم ؟
مريم : المشكله انه اهو مطلع حجي عني عند الاصبي هذا و قايل عني بويه
سالم : يعني كان يدري من زمان
مريم : اي و ا...ا.نا
سالم : وانتي شنو ؟
مريم : انا قلت حق اللي اكلمه انه يوسف جنس
سالم : انصدم من الكلام وما يدري شنو يسوي
مريم : عرفت الحين
سالم : اي بعدين مشى
سالم سكت و مافتح الموضوع مع يوسف
الشباب اليوم كلهم طلعوا مع بعض راحوا مجمع المرينا
وفي المرينا الكل عارف سوالف الشباب هناك
و قعدوا يتمشون لين صار الليل والكل رجع البيت
بعدها في اسبوع اتفقوا انهم يروحون ينامون في المخيم
يوسف قال حق ربعه انا اكلم وحده اسمها فاطمه شوفوا قتلكم مو بعدين تقولون ليش ما قلت
الكل صدق بس سالم كان شاك في اسم البنت
سالم قالها تكلم وما تقولي افا يسوف
قاله من متى قاله من يوم المرينا
سالم : قاله متى وشلون ؟
يوسف : كانت قاعده تطالعني و اطالعها تضحكلي و اضحكلها يوم كلكم مشيتوا رحت لها الطاوله و عطيتها رقمي
سالم : اها
قاله اوكي خلاص
سالم قعد يفكر قال شلون يوسف مو طبعه جريئ
بعد مرور اسبوع يه وقت المخيم و مريم كانت كل يوم تدق على سالم تكلمه بس اهو مو معبرها
يعني كان عادي حاط في باله مجرد صداقه
توقعوا شنو راح يصير في المخيم ؟
سالم راح يكون شكه في محله ؟
بعد ما مشوا صار الليل و سالم يفكر سبب الدمعه
سالم دق على يوسف
سالم : ها يسوف
يوسف : ها السلم وينك ؟
سالم : في البيت انت وينك ؟
يوسف : في البيت قاعد العب سوني
سالم : اها
يوسف : ليش شفيك ؟
سالم : يسوف طلبتك ؟
يوسف : اذا قدرت من عيوني
سالم : تسلم عيونك ابي بنت ؟
يوسف : شلون شقصدك ؟
سالم : قول حق ريم وحده من رفيجاتها
يوسف : خلاص احاول
سالم : مو تنسى يسوف
يوسف : خلاص اوكي
صكروا الخط بس سالم كان مهموم
قال ماكو اللى النت
بطلت ايميله لديك 24 و عشرين رسالة جديده
قال اوله كا هالرساليل بس يومين
ما يمديه طوط
مشاعر بـ يدي احكمـهـا؟! إذا كانت على فكـــ ري ومشاعر مقدر اخفيـــها؟! إذا كانت على قلبـــي
هلا بالحب هلا
اداوي جروح الناس وجروحي مقدر اداويها انا من وين الاقيها من الدنيا ومن فيهاوله من جروحــــ ـــي الي عجز قلبــ ــي يداويها
هلا فيج
ابي اختصر البنت اسمها دانه
دانه :
شلونك شخبارك ؟
سالم :
تمام والله انتي شلونج ؟
دانه : دوم حبيبي تمام انا
سالم : تدوم ايامج
دانه : سالم ولهانه عليك وايد
سالم : توله عليج العافيه
دام بينهم حديث طويل هذي البنت كان سالم يعزها معزه خاصه و مايدري ليش
بس هذي البنت كويتيه عايشه بالسعوديه
بعدين فصل سالم جان يدق عليه يوسف يقوله كلمتها و تعطيني خبر
مر يوم و يومين سالم توه مخلص لعب جان يرن تيلفونه
طالع الرقم ولا ريم
رد
سالم : هلا والله
ريم : هلا فيك
سالم : شلونج شخبارج ؟
ريم : تمام انت شلونك ؟
سالم : زين
ريم : سالم انت تكلم
سالم : لا ليش لاقيتلي وحده
ريم : تبي الصراحه اي
سالم : منو تعيسة الحظ اللي تبيني
ريم : اللى منو سعيدة الحظ اللي بتاخذك
سالم : ليه هالدرجه انا محبوب
ريم : اووو اكثر من جذي بعد
سالم : زين والله
و قعدوا يسولفون مع بعص مده طويله
سالم نام و لا راح يدري عن اللي بيصيرله باجر
توقعوا شنو راح يصير باجر ؟
و هل راح تيي البنت اللي تكلمت عنها ريم ؟
سالم تواعد مع ريم انهم يشوفون بعض
طبعاً سالم نطر الموعد اهو ولهان على ريم
وريم ولهانه على سالم
شالم بدل و اتفقوا يشوفون بعض على البحر يم مطعم
سالم واهو بالطريج رن تيلفونه واللى رقم غريب
شال التيلفون
سالم : الو
؟؟؟؟؟ :السلام عليكم
سالم : و عليكم السلام هلا منو معاي ؟
؟؟؟؟؟ : انت سالم ؟
سالم : اي
؟؟؟؟؟ : انت وينك ؟
سالم بعصبية : وانتو شكو منو ؟
؟؟؟؟؟ : شكلك مشغول بعدين ادق يلا باي
سالم : باي
سالم قعد بفكر منو سيبون مني بعد
سالم مسرع ما نسى لأنه وصل حق المكان اللي يبي يشوف ريم فيه
سالم نطر ربع ساعه و اوصلت الحب ريم
سالم او ماشاف ريم فز من الوناسه
آه قمر يمشي قمر
يا حلوج يا ريم يا حلوج
هذا الكلام اللي قاعد يقوله سالم قبل لا توصل ريم
او ما اوصلت هاااااي
مدت ايدها تسلم على سالم
سالم مد ايده ولا ريم تمد خدها
سالم ماحب يكر فيها و مد خده
سالم قعد مع ريم و يتمشون و يسولفون
بعدين راحوا شربوا عصير بس كان الجو بارد
وكان سالم ماسك ايد ريم و يمشي
بعدين قالوا خل ننزل نمشي على اليال
فصخوا جواتيهم و مشو على اليال
كانوا يمشون جان سالم يقول حق ريم احبج
ريم استحت و ويها صار احمر
جان تقول حتى انا احبك سالم
سالم شنو قلتي ابي اسمعها مره ثانيه
ريم نزلت راسها من الحيا اي احبك و اموت فيك
سالم سوه روحه طايح جان يقط روحه على التراب
و يصارخ آه يا قلبي آه
ريم سمله على قلبك حبيبي
سالم يقول بعد حبيبي
بعدين قعدوا جدام البحر على التراب و يسولفون لين مر الوقت
ريم راحت البيت و سالم راح بيتهم
بس سالم تذكر الرقم الغريب اللي داق عليه
سالم نطر شوي ولا يرن تيلفونه
ولا نفس الرقم
سالم رد علطول
سالم : الو
؟؟؟؟ : الو شلونك سالم
سالم : زين منو ؟
؟؟؟؟ : انا حده اسمي مريم ( بس هذي مو مريم اللي قبل )
سالم : من ويلج رقمي
مريم : ما خذته من وحده
سالم : منو هالوحده
مريم : ما اقدر اقول اسمها
سالم : انزين شتبين مني
مريم : انا مره شفتك في المرينا و عجبتني و كلكت اللي اعرفها و قالت هذا اعرفه و عندي رقمه
سالم : انزين منو هذ؟
مريم : ماراح اقولك خلها بعدين
سالم : انزين انا اعرفج ابي اشوفج يمكن اتذكرج
مريم : انزين خلاص باجر
منو هذي و اشتبي من سالم ؟
ريم اهي اللي دازتها ؟
سالم صكر التيلفون بس قام يفكر منو هذي و اشتبي مني
قعد يفكر يفكر يفكر بس ما وصل لشي
المهم سالم اتصل على ريم
سالم : الو
ريم : هلا
سالم : ريم تعرفين وحده اسمها مريم رقمها *******
ريم : لا
سالم : اكيد
ريم : اي ليش ؟
سالم : داقه علي تقول انت عاجبني باجر بشوفها بعرف منو اهي
ريم : اها
سالم : خلاص عيل انا بروح انام
ريم بعصبيه : يلا باي
تم سالم شوي جان يوصله مسج
حياتي ماراح ادق عليك مره ثانيه انت كل شاك فيني و في سالفه في راح اقولك اياها راح تزعلك
سالم بدا يشعر بالقلق من السالفه
لين يه اليوم الثاني
سالم قام يشد على ريم بس ريم تقول ما اعرفها
سالم راح شاف البنت بس كلش ما ذكرها
بعدين دقت على سالم قالتله شرايك فيني
سالم تبين الصراحه بدون زعل مو حلوه صكر الخط
فجأة ياله اتصال من ريم
ريم : الو
سالم : هلا
ريم : ها اعجبتك
سالم : ويع استغفر الله
ريم : لا قول الصراحه
سالم : ريم شفيج
ريم : انا اعرف البنت هذي رفيجتي
سالم : ادري
ريم : سالم قول ا نك ما تبيني و خلاص
سالم : انتي شفيج اليوم
ريم : ما فيني شي بس انت تبي تخب علاقتنا
سالم : انا
ريم : اي انت تقولها تحبيني مادري شنو ( طبعاً سالم ماقال جذي )
سالم : لا حرام عليج
ريم : امبلا اهي قالتلي
سالم : والله جذابه
ريم : او خلاص يلا باي
سالم : باي
بعدين دقت هذي مريم
سالم بعصبية : شتبين انتي
مريم : بس حبيت اقولك انه ريم بس ماراح تدق عليك
سالم : منو قالج ؟
مريم : اهي بنفسها
سالم : اي ادري
مريم : عيل باي
سالم : باللي ما يحفظج
سالم معصب شتبي هذي
سالم ردت علاقته مع ريم
بس في يوم وياهو من يوم كئيب بالنسبة حق سالم
ريم اتصلت على سالم
ريم : الو
سالم : هلا
ريم : سالم بقولك شغله بس ما ابيك تزعل
سالم : شنو؟
ريم : سالم انا احب واحد ثاني
سالم : شنو ؟
ريم : اي احب واحد ثاني اسمه سعد
سالم انصدم من الكلام
وصكر الخط من بعدها ما سمع صوتها
بس سالم قعد يقول ليش يعني ليش
بس سالم دز مسج حق ريم قالها خلاص ما ابيج
بعد فتره ريم كانت تبي ترجع حق سالم
جان سالم يدز مسج يقول
اذا تبيني ارجع بشرطين
الشرط الاول لما تتحرر فلسطين
الشرط الثاني اشوف الشمس تطلع مكان القمر
بعدها خلاص انتهت قصتهم نطروني في الجزء الاخير على جزء او جزئين بعدين اقول
بس اللي سواه سالم صح ولا غلط قولولي؟
بعد ما هد سالم ريم عاش مهموم
بس سالم ردت له الروح مع ربعه
بس في يوم و بعد ماطلع سالم من ظلمته
صارت له مشكله مع اعز ربعه يوسف بس شوفو شلون سالم مظلوم
كانوا قاعدين يلعبون كره
عاد كان مع يوسف واحد من ربع يوسف و سالم اسمه براك
سالم راح قعد معاه جان براك يقول حق سالم شوف القنبله
سالم شاف البنت جان يقول هذي اخت رفيجي تبيني اقولها ( بس كان يتغشمر )
براك قال روح قوله عادي
سالم اكيد قد كلمتك
براك اي
سالم راح و اهو يضحك حق رفيجه
سالم هلا والله نواف
نواف هلا فيك
شلونك شخبارك ؟ قطع كلامهم يوسف
يوسف بصراخ و عصبية سالم انت والله مو ريال ..........
سالم الناس كلهم يطالعونه تمنى انه الارض تبلعه
بس يوسف تم يسب و يغلط على سالم
سالم ما قدر يوقف وراح خذى اغراضه و مشى
سالم راح يركض يدور مكان يطلع حزنه
سالم كان مقموت و صاكه في الدينا من يوم ما تهاوش مع ريم و هدها
يقول بعد ما قمت من الصدمه تيي صدمه ثانيه
آه ليش قاعدين يسوون جذي فيني
من جهة ثانيه راح يوسف حق نواف
يوسف : نواف شنو قالك سالم
نواف : شفيك تصارخ
يوسف بصراخ ازيد و عصبية : نوااااااااااااااااااااف شنو قالك سالم
نواف : ماقالي شي بس سلم علي
الكلام نزل على يوسف مثل السيف
يوسف ندم على كل كلمة قالها و قاعد يقول لا اللى سالم الغالي
يوسف يدق على سالم بس سالم ما يشيل تيلفونه
سالم انعزل عن العالم يومين والسبه الكلام اللي قاله يوسف
سالم آه ليش انا جذي ليش ليش
بعدين وصله مسج من يوسف
سالم لو تعزني تعال المكان الفلاني الحين
سالم قعد يفكر بدل هدومه و طلع من البيت
راح حق يوسف اول ما دش ولا يوسف قاعد
سالم : السلام عليكم
يوسف : وعليكم
سالم بنفسية : خير آمرني
يوسف : سالم انا والله آسف ماكان قصدي بس انت نرفزتني
سالم : ليش نرفزتك ؟
يوسف : انت تدري شنو كنت راح تسوي
سالم : ما كنت راح اسوي شي
يوسف : اي انا ادري تأكدت من نواف وقالي كل شي
سالم : عقب شنو ؟ عقب كل الكلام اللي قلته جدام الامه
يوسف : والله ماكان قصدي والله
سالم : ماكان قصدك و تقول اللي تقوله
يوسف و الدموع في عينه : والله انا آسف سالم سامحني
سالم : .......!
يوسف و خلاص بدا يبجي : والله آسف والله آسف خلاص يا سالم لا تعذبني انت تدري بغلاتك
سالم اول مره يشوف يوسف يبجي : خلاص يا يوسف خلاص
يوسف و اهو يبجي يقوم و يروح يلم سالم و يقوله سامحني يا اخوي سامحني
سالم : والله سامحتك
وبعدها قعدوا يسولفون
والحين اهم اعز اثنين في الدنيا ما يتركون بعض
سالم كلم دانه بعد فتره و الحين يعيش معاها اسعد لحظات حياته بعد ماشافها و يننه جمالها و اخلاقها
و كلموا بعض و يعيشون احلى قصة
تـــــــــــــــــــــــــــمـــــــــــــــــــــ ـــــت
ان شاء الله اعجبتكم القصة
و سامحوني على القصور
و اذا كان في اي قصور قولوا و لا تستحون
قصة حزينه بس نهاية سعيده
والقصة حقيقيه مع تحريف في الاسماء
احداثها صارت هذي السنه واللي قبلها
بس مو تنسونه بالتقييم
